lahat ng mga ideya na mababasa o nabasa mo sa libro - libruhan na ito ay 35% gaya lang sa mga nabasa kong blog at nabasa kong libro (mostly kay Bob Ong.)
idol ko si Kuya Bob Ong, lahat ng anim na libro niya ay nabasa ko na ng walang palya, pero lahat yun puro hiram lang.
hindi ako obligadong bumili ng libro niya kung pwede namang basahin ito sa bookstore ng libre.
tapos nagbabasa ako ng libro ng mga highschool para may makuhang kahit konti sanang inpormasyon para magkaroon naman ng kaunting kwenta ang pagsusulat ko ng mag bagay bagay na wala namang kinalaman sa eskwelahan at buhay ng taong magbabasa o sa kahit na hindi magbabasa.
okay lang kahit na sabihin na ang blog ko ang pinaka walang kwentang blog sa mundo kung iyon ang totoo. dahil minsan wala akong paki alam sa totoo.
ang iniisip ko lang na isusulat ko ang kahit anong pumasok sa utak ko basta nasa harapan ako ng computer. wala na akong paki alam kahit na akusahan ako ng gaya gaya ng ideya.
Isa pa sa mapapansin mo dito sa libru libruhan ko ay ang mga mali mali na spelling o typographical error o mga walang konek sa simula hanggang sa dulo ng sinasabi.
nagbibilis bilisan kasi ako sa pagtatype para mahasa sana ang skills ko dito, kaya lang dalawang daliri lang lagi ang gamit ko sa pag ta type yung magkabilaang hintuturo. tapos hindi ko pa sinusuring maigi kung may mali na ba sa spelling ko o may mali na sa mga sinasabi ko.
*********
Nagsimula ang hilig ko sa pagsusulat ng ideya ng kung ano ano nung bata pa ako. mga elementary pero hindi nahasa ang abilidad na ito dahil nung elementary pa ako lagi akong pinaka kulelat o tinuturing na pinaka bobo at nasundan pa iyon nung highschool, kaya hindi ako nakakuha ng subject ng pagsusulat ng mga bagay bagay na napapansin o kaya bagay bagay na walang kabuluhan.
mula section 3, tapos section 6, tapos section 7, at naging section 9 sa higschool.
hindi naman ako puro bulakbol pero madalas lang na umaabsent ako at hindi nakaka abot sa Deadline ng mga project. pero minsan nakakabawi ako sa exams at recitation. (minsan lang.)
dahil siguro sa kakulangan ko noon ng budget sa araw araw dahil ang mamahal ng mga gamit na pinapabiling mga materials ng magaling kong teacher para sa mga project na pinapagawa nila sa amin.
isama mo pa yung katamaran ko sa paggawa ng assignment. nasanay lang kasi ako nung Elementary ako na sa school ko na ginagawa yung assignment ko para hindi ko na ito gawin sa bahay.
hindi pala maganda ang magiging bunga kung sasanayin ang sarili o ang mga bata nang ganon kasi kung masasanay sila o hinayaan mo na gawin na nila sa school ang assignment nila bago pa man ito maka uwi sa bahay, maiisip nila na wala nang dahilan para magbukas ng notes o para mag review ang mga bata.
at kung masanay sila sa ganitong pananaw sa buhay ay tatanda sila na hindi maiisip na kailangan nilang mag review sa bahay, hindi sila matututong mag review, tatanda sila na naghahabol lagi sa project, kailangan pang magpuyat para sa exam kinabukasan, pero habang nagrereview ang iniisip ay ang crush, o kaya ang episode ng Naruto o Dragon ball z Live Action Series .(walang ganon.)
Kinabukasan sa actual exam excited pa sa pagkuha ng exam lalo na kung ang exam ay GMRC o Values Education na TAMA o MALI lang ang halos 75% ng exam (magkokopyahan pa.)
kapag mahihirap na exam na ang sasagutin halimbawa math. madalas na mangyari sa akin noong highschool ako,
1.wala akong calculator,
2. nauubusan ng papel
3. nawalan ng tinta ang ballpen ko.
4. Lumilipad ang utak ko, at nakakarating sa Outerspace.
5. pinipiga ko ang utak ko kahit wala nang mapiga.
6. palihim akong tumitingin ng formula sa notebook ko sa math (hanep ang diskarte ko dahil hindi pa ako nahuhuli kahit minsan. Pero hindi ko ibubunyag ang sikretong technique ko sa pandadaya.)
7. minsan di ako makapag concentrate lalo na kung ang katabi ko o ang kaharao ko ay ang crush ko na classmate ko o ang classmate ko na pinagkakautangan ko ng mga barya barya na aabot na yata ng 30.00php o mas higit pa. (infairness mabait yung kaklase kong yun.)
8. kapag nagrereview ako sa bahay ay nagbabasa lang ako kunwari ng ilang notes pero hindi ko naman talaga naiintindihan ang binabasa ko dahil sa panget ang sulat ko at hindi ko yata talaga inintindi ang tinuro sa ng teacher ko. (wala rin akong Libro.)
9. At kung nagrereview ako, uupo ako sa mesa ng halos Apat na oras pero tatlo't kalahating oras ay nagsususat ng kung ano ano, tulad nito o kaya nagdo drawing ng anime o komiks pero hindi naman marunong.
10. 85% ng nasa isip ko habang nag rereview ay ang pagiging tiwala sa sarili na (hindi ko na kailangan pang magreview, kabisado ko na ang isasagot ko kinabukasan.)
Ang resulta ng Exam ko ay........ (98% matalino ako eh)
*********
Bobo ka kung maniniwala ka!
Pero alam mo ba kung bakit ALAMAT NG BOBO ang pamagat ng Libru libruhan ko.
bobo kasi ako pagdating sa "LOVE". Pero ito ang pinakapaborito kong Topic kapag nag uusap usap na ang mga kalaro ko sa Organization na sinalihan ko. (mga kabarakada ko.)
Pero kahit na paborito kong topic yun ayokong napag uusapan ang tungkol sa Crush ko o kung sino ang Love interest ko. kasi........... wala lang, basta ayoko.
Alam nyo na siguro na hindi pa ako nagkaka Girlfriend. pero nagulantang ako sa tanong ng isang pacute kong kaibigan na babae sa tanong niya na. "ano ang mas maganda ang remaining single or double este Have a Romantic Relationship (CORNI YUNG PAGPASOK NG "ESTE").
Nanghula ako ng maisasagot dahil hindi ko alam.
Masaya naman ako s pagiging single pero hindi nawawala yung pagnanais ko na magkaroon ng chance na maging romantically involve sa isang cute na babae na kasing ganda ni Sarah Geronimo, Kim Chiu, Heart Evangelista o Jessica Alba.
o kasing bait ng ko. ("KO" - "KASING =BAIT=
oo siyempre gusto ko yung kasing ugali ko pero hindi sobrang katulad, gusto ko lang yung halos pareho kami ng pananaw sa buhay. yung mabilis kong makakasundo.
Pero wala pa akong makitang nilalang na ganyan sa mundo, pero marami na rin akong nakilala na ganyan ang interpretasyon o impresyon ko sa kanila.
Lalo na yung "LOVE INTEREST KO". pero talo ako sa kanya. as in "OLATS" as in Busted.
Pero hindi ako busted as in talagang harap harapan na busted. naduwag lang ako nang sobra.
*******
Kapag sinabi mong Highschool ay napaka memorable talaga. dahil madalas dito mo mararanasan ang pagsisismula ng kalokohan sa mundo at dito na tumutubo ang sungay mo, o sungay ng anak mo. kaya kung highschool ka na o ang anak mo malamang na
1. magpapabili na ng cellphone ang anak mo. (N series.)
2. madalas na tulala (malamang niyan kundi adik baka inlove.)
3. nagbabago ang boses (natuto sumagot ng pabalang)
4. tumutubo ng senyales ng pagpupuyat sa mukha. (dahil siguro sa mani.)
5. matagal makipag usap sa telepono. (minsan ginagawa lang mic yung telepono at doon nag coconcert.)
6. tataas ang presyo ng Field trip.
7. madalas na magkaroon ng Field Trip.
8. Hihingi ng pambili ng project
9. hihingi ulit ng pambili ng project.
10. sa maniwala ka o sa hindi hihingi ulit ng pambili ng project.
11. madalas na may group study kuno sa bahay ng classmate. (kasing laki ng MOA yung bahay ng classmate.)
12. umuuwing lasing
13. matututong magyosi.
Sari sari na ang buhay na nangyayari sa buhay ng higschool ,dito nade develop ang kalokohan ng bata, dito nakikita talaga ang isang ugali na madalas na napapansin.
bakas sa mukha ng Highschool student kung siya ay in love, o may ginagawang kalokohan. (opinyon ko lang.)
Pero dito sila makakakilala ng "LOVERS", "LOVE INTEREST", Crush, Mortal Enemy.
Nagsisimula nang harapin ang sariling opinyon, sariling pananaw at nakikilala ng husto ang sarili.
Nagsisimula nang maging mayabang, magpaganda, magpa pogi. mawawala na ang pagiging makapal ang mukha o buraot at natuto nang mambastos ng nakakatanda.
puro kalokohan naman kasi ang iniintindi ng ibang Highschool student dahil sa impluwensiya ng barkada o kaibigan.
siyempre magsisismula nang makipag usap ng maayos at hindi na nahihiyang makipag usap o ibunyag ang feelings sa kanyang crush.
Manliligaw ang isang lalaki
Pakipot ang babae at kunwari walang paki alam sa lalaki
pursigido si lalaki
pakipot pa rin si babae pero kapag mag isa o nakatalikod sikretong ngingiti.
kapag na bad trip si lalaki sa sobrang pakipot ni babae.....
Badtip din si babae "Pero Denial pa rin"
Manliligaw si Lalake ulit
Sa una magpapakipot ng konti ang babae pero mas nice na siya ngayon.
pursigido si lalaki
pakipot pa rin si babae pero kapag mag isa o nakatalikod sikretong ngingiti. pero hindi na kasing tindi nung una kasi inulit na lang kaya wala nang thrill.
magtatapat na si lalaki sa pamamagitan ng pagtatanong ng "Mahal mo ba ako?"
sasagot si babae ng "HINDI eh sorry ah."
(masasaktan si lalaki) pero playsafe at sasabihin ang ganitong kataga. "BAKIT SINABI KO BANG MAHAL KITA?.
Babawi si babae at sasabihin na " Ganon?! Mahal din kasi kita eh."
babawi si lalaki at sasabihin na "Mahal talaga kita eh."
Babawi si babae at sasabihing "JOKE LANG KAW NAMAN DI KA MABIRO!!!!"
at babawi din si lalaki dahil ayaw mapahiya, "Joke lang din....
tapos paulit ulit lang na parang nag gagaguhan na.
*******
Para sa opinyon ko minsan hindi laging seryoso ang magiging kapalaran mo kung bata ka pa.
sa highschool nagsisismula ka pa lang sa paglalakbay sa mundo at malaman pa na mas marami ka pang mararanasan na TRUE LOVE", "INLOVE", HEARTACHE", HEARTBREAK", "AMFNESS".
Pero isa lang sigurado, dahil darating naman ang nilalang na para sayo sa tamang panahon.
"ANUMANG BAGAY NA TAMA SA MALING PANAHON AY MANANATILING MALI PARIN"
(san ko ba nabasa ito?)
*********
COLLEGE,.
Pagkatapos kong mag Highschool ay nag College na ako, (malamang) alangan naman na bumalik ako sa grade one. Pero hindi ko napili ang Course na gusto ko noon dahil medyo may kamahalan ang Course ko. Pero sabi ng mababait kong mga magulang at kuya kong nagpapa aral sa akin na okay lang kahit na mahal igagapang daw nila ako sa pag aaral.
Pero hindi ang kamahalan ng Tuttion Fee ang problema ko kundi ang antas ng utak ko.
Wala akong talent na dapat na ipakita. kulang ang kaalaman ko. mahina ang utak ko para sa Course na gusto ko. yun lang kaya ng utak ko ang dapat kong pag tuunan ng pansin.
sa makatuwid mawawalan ng saysay ang sagot ko sa nakakatanda nung bata ako kapag tinatanong ako ng "ANONG GUSTO MONG MAGING?".
kung ano lang ang naipon sa utak ko simula nung grade one ako hanggang 4th year highschool ako, yun lang ang batayan kung magiging ano ako sa Mundo.
Kapag College ka na Seryoso ka na dapat, dahil matanda ka na at hindi ka na kukunsintihin ng teacher mo sa paggawa ng kalokohan pero kapag College ka na bahala ka na sa kung anong gagawin mo, ge greydan ka na lang nila.
natakot ako sa pananaw na ito nung college ako pero nung nakapasok na ako ng College ay parang katulad din talaga ng Highschool pero mas seryoso nga lang sa pag aaral ang mga kaklase mo kaya mahahawa ka. (kasi pare pareho kayo ng unang impression sa buhay COLLEGE)
Para sa iba ang buhay ng college ay masarap dahil sa daming kalokohan ang pumapasok sa ideya ng mga estudyante.
Marami akong nakikita na over age na para mag college, pero wala akong problema doon.
mas okay sa akin yun. dahil naniniwala ako na walang pinipiling edad ang pag aaral kahit na lolo ka na sa tuhod. basta gusto mong mag aral, pag may pagkakataon grab it.
Pero yung mga kilala kong mga matatandang estudyante ng kolehiyo, nahahawa na rin sa mga mga halos anak na nila na kaklase, siguro dahil gusto nilang makisama.
dahil kung sa mga professor sila makiki tropa, kapag pumasa siya baka pag isipan ng mga kaklase niya na sumusipsip si manong. kaya nakiki tropa siya sa mga mas bata.
Pero minsan nasosobrahan yata sila manong, minsan hindi na bumabagay ang edad nila sa mga sinasabi nila. ang sagwa nang marinig si manong ng "TOL ANG COOL NG PORMA MO AH!!!"
tapos sumasabay siya sa kaklase niyang mga bata pati sa pormahan o pananamit.
imagine 45 - 68 years old na manong naka suot ng hip hop attire o kaya parang trasher.
nakakalbo na siya nagpa kulay pa ng pula. kulubot na ang balat, nagpa tatto pa. nagpapa hikaw pa sa ibat ibang parte ng katawan. nagmumukha tuloy siyang nag se second childhood na.
Pero nakikisama lang naman sila kaya hwag na tin silang sisihin. sa totoo lang medyo bilib ako sa kanila dahil naiintindihan nila ang kagustuhan o mga hilig ng mga kabataan.
**********
Mga hilig ng kabataan na lagi mong mapapansin sa college.
mga kalokohan na mararanasan mo. kung nung highschool ka bata ka pa kaya kung gusto mong magpunta sa mga Bar para mag inuman, sa college legal ka na kaya makakarating ka sa lugar na hindi mo pwedeng mapuntahan nung highschool ka pa.
*Kung saan saan ka gigimik.
*Mas magaling kang mambola ngayon sa babae o sa lalake kung babae ka.
*Dami mong tropa o pwedeng tropahain.
*Mahihilig ka sa Electric guitar. Drums.
*Matututo kang mag hanap ng part time job para lang mapunan mo ang bisyo mo lalo na sa pagdo DOTA.
*Mas madals kang lasing.
*Mas malalim ngayon ang pananaw mo sa Love dahil sa pagiging semi matured mo mas marami ka rin kasing natutunan sa satage na ito at mas marami ka na ring naintindihan sa pag ibig.
*********
Marami kang mapapansin na pagkakaiba ng college sa highschool tulad nang tatawagin mo nang Professor ang Teacher mo. hindi ka na magkakaroon ng grade na 75%, 80%, 99% magiging 1 (uno) 2 (dos) 1.25, 2.75 mas madalas "3" tres. pero kapag 5 (singko) ka na, uulitin mo ang subjecr na yun.
kapag bumagsak ka feeling mo kasing level mo ang mga adik o ang mga taeng inulan, wala kang kwentang tao.
mababadtrip ka sa mundo lalo na sa professor mong nag bagsak sayo. Pero ang mali sayo hindi mo sinisisi ang sarili mo dahil hindi mo napansin na lagi kang late noon, lagi kang absent, lagi kang walang recitation, lagi kang walang project.
Pero okay lang yun, basta bumawi ka na lang sa next sem o sa summer.
***********
Mas magiging masikap sa College pero hind isa lahat dahil marami talgang matututunan na kalokohan sa kolehiyo.
madalas kayo mag date ng syota mo. madalas kayong mag yayaan ng mga kaklase mo nang inuman o maglakwatsa kung saan saan.
madaming magiging pagbabago sayo kapag college ka na, maraming epekto.
MADALAS NA NAGIGING EPEKTO NG BUHAY COLLEGE.
1. kung nung higschool ka 7: 00 to 3:00 ang oras ng klase mo
sa College 7:00 to sawa na ang pasok mo, pwede kang umuwi ng madaling araw na o kaya kinabukasan na. (kaya lang paghihinalaan ka ng mga magulang mo na adik ka. o kunh hindi baka ikaw ay isang bakla na rumarampa sa gabi.)
2. Tataas ang allowance mo ng 3% - 20%. lalo na kung malayo ang bahay mo sa school mo.
3. Medyo mababawasan ang pagiging jologs mo.
4. Mas madalas kang magalit kapag nagagalaw ang buhok mo lalo na kung apat na oras mong inayos yan dahil nilagyan mo ng GEL
5. Ang Dami mong burloloy sa katawan.
6. pipilitin mong tumaas ang grade mo para sa Nseries o kaya i pod shuffle.
7. matututo kang magtipid at magtago ng barya.
8. matututo kang magsinungaling para makakupit ka sa tuition fee mo.
9.dadami ang projects mo na madalas sa diskuhan o sa inuman nyo tatapusin. 10. magkakaron ka ng pasok kahit araw ng sabado o linggo, depende kung ayaw mong maghugas ng pinggan at maglaba ng damit na sintaas ng 10 case ng beer.
10. magiging tambayan mo ang Jollibee o Starbucks.
11.magkakaron ka ng kahihiyan na mangopya sa kaklase mo -
11. matututo ka ng last minute review bago mag quiz -
12. madalas na paghihinalaan ka ng mga magulang mo kung bakit may pantal na pula ka sa leeg mo -
13. matututo kang tumakas alang alang sa inuman -
14. maiisip mo na hindi magandang panulat ang Pilot ballpen kaya gagastos ka ng ballpen na mamahalin at nagtatae -
15. pagaaralan mong baguhin ang handwriting mo alang alang sa pagibig -
16. malalaman mo na ang pagkakaiba ng mga mag aaral na jologs, sosi, losers, rockers at mga tambay ng library - marami pang iba.
********
Bago ka magtapos sa highschool kahit ayaw mo pa obligado kang mag isip kung anong course ang gusto mong kunin para hindi ka na manghulang kung ano ano.
kaya nga dapat noon pang bata ka alam mo na kung saan ka bihasa para kapag college ka na hindi ka na mahihirapan sa kurosng kukunin mo dahil ang bagay na kinahiligan mo, halimbawa mahilig ka sa drawing, pwede kang mag fine arts, kung mahilig kang mag computer pwede kang maging progrmer o kung mahilig kang mag alaga pwede kang mag nurse at kung ano ano pa.
Nung bago ako mag college hindi ko pa talaga alam kung anong gusto kong maging...
kung ano lang ang mabasa kong offer na course at nagandahan ako sa tunog nito halimbawa "INFORMATION TECHNOLOGY" (ASTIG!!) gusto kong course yun kahit na hindi ko alam kung anong klaseng sawsawan ito.
Electical Technician na lang kinuha ko, dahil hindi ako pumasa sa interview sa I.T.
pero ayaw ko nung E.T. kaya hindi ako nakatagal. lumipat ako ng course at naging computer Technician ako.
*********
Tumanda ako nang hindi ko alam ang kinahiligan ko, at hindi ko alam kung anong talent meron ako. hindi ako magaling sa kahit anong larangan.
pwede sana akong mag fine arts o mag architect kung magaling lang akong mag drawing o mag sketch.
pwede sana akong mag doktor o nurse kung mahilig ako sa gamot.
pwede sana akong mag abugado kung matalino ako at mahilig makipag debate.
pwede sana akong maging isang enhinyero kung matalino ako sa math.
pwede sana akong maging musician kung magaling ako sa musical instrument
pwede sana akong maging piloto kung marunong akong magpalipad ng eruplano
pwede sana akong maging F1 driver kung marunong akong mag drive.
pwede sana akong maging showbiz collumnist kung mahilig ako sa artista at paki alamero ako sa buhay ng may buhay.
pwede sana akong maging artista kung gwapo ako.
pwede sana akong maging singer kung ka boses ko si favaroti.
pwede sana akong maging superhero kung merong course para maging si lastikman ako.
pwede sana akong maging maging Hokage kung makikita ko ang bayan ng konoha para mag aral ng ninjutsu.
pwede sana akong maging author ng libro kung magaling akong magsulat ng libro at kung may kabuluhan ang sinasabi ko.
**********
Pero natutunan ko na kahit anong kurso na makuha mo, kahit na hindi mo pa ito gusto ay kailngan mong matutunang mahalin ang kursong napunta sayo.
kung sa tingin mo ay hindi ito ang bokasyon na nararapat sayo. okay lang pero darating din ang araw na malalaman mo ang kahalagahan ng pinasok mo o nang itinapon mo.
maraming taong hindi nakakapag aral kahit gusto nilang mag aral, ako na maraming pagkakataon ay inaaamin ko na nagiging pasaway ako nang madalas.
kahit na alam kong nahihirapan na ang mga taong nag papa aral sa akin, madalas na nakakagawa pa ako ng kalokohan.
pero nagiging normal sa kabataan ang pagiging mahina pero minsan hindi ito masabi at nahahayaan lang kapg hindi nagamot.
Nasa sayo pa rin pala ang magiging kapalaran mo o kung magiging sino ka kung magsisikap ka sa pag aaral o hindi.
*********
Mula pa noong pagtripan kang turuang magsulat ng pangalan ng mga magulang mo hanggang sa grumadweyt ka sa college, kailangan mong gumising nang maaga para maligo, kumain, magsipilyo at pumasok.
Pinaka masarap sa pakiramdam kapag nalaman mong suspendido ang klase dahil sa bagyo.
badtrip naman kung hindi kasama ang school mo sa hindi nag cut ng klase.
ang sarap din sa pakiramdam ng wala yung teacher mo dahil pwede ka nang umuwi para ituloy ang tulog mo o kaya maglakwatsa.
Gigising ka nang maaga, papasok, makikipag hi -5 sa kaklase, makikipaghabulan sa corridor, babatiin si crush. aasarin yung isa pang crush. pasasayahin yung panagatlong crush sa pamamagitan ng pagpapatawa.
mangungutang ka sa kaklase mo. uutuin mo ang kaklase mo na ililibre mo nang kumain sa jolibee para pakopyahin ka sa assignment nyo na hindi mo nagawa.
Matuto kang maki usap sa nakatatanda mong kapatid para gawan ka nang project na sa tingin mo ay siya lang ang makakagawa.
mapupuyat ka sa kakagawa ng project dahil last day na kinabukasan ang pasahan.
pasasalihin ka sa school activities o mga clubs na wala namang kinalaman sa buhay mo.
pag aaralan mo ang buhay ng mga batikang bayani na malaki ang maitutulong para magkabalikan kayo ng syota mo.
pagbabayarin ka ng mga ticket para sa mga papromo kuno ng eskwelahan nyo para siguro sa Global warming.
madami ka nang napuntahan na lugar dahil sa pagsama sa mga educational trip na wala ka namang matutunan kundi ang paglangoy at ang pagposing ng maganda para bumagay sa view sa likod mo.
Sa school mo matutunan ang pagdadasal mo sa Diyos para lang wag maging Terror ang teacher mo.
hihilingin mo rin na sana ay may cute kang makatabi sa upuan.
hihilingin mo rin na sana ay laging absent ang teacher mo.
at marami pang iba.
matututunan mo ding makipag bnding sa Guidance Councilor pagkatapos mong makipagsuntukan sa kaklase mo o sa pagdadala ng alak o mga patalim sa bag mo.
matututo ka ring mag drawing dahil sa pag ba Vandal sa banyong school mo.
at makakaramdam ka ng tuwa dahil sa wakas ay makakapag college ka na rin pagkatapos ng ilang dekadang paghihintay na makatapos ng highschool dahil paulit ulit ka at sawang sawa na ang mga teacher at principal sa mukha mo.
tapos problema mo nanaman ang kurso mong kukunin, pag natapos ka na sa pagpili stage, poproblemahin mo nanaman ang Assignment, quiz, recitation, actual exam, written exam, oral exam, projects, schedula na nakakalito,. lovelife, house life. OJT, parttime job, Thesis, Depense.
at kung ano ano pa.
at kapag Graduate ka na, malamang na makikita mo ang mag magulang mo lalo na ng nanay mo na lumuluha dahil sa wakas natapos na rin ang ilang taong pag tustos sa pag aaral mo.
masarap sa pakiramdam ng mga magulang yun dahil para sa kanila ay nagampanan na nila ang isang obligasyon nila at ikaw naman ngayon ang mag obligasyon na dapat gampanan o pagtuunan ng pansin.
Maswerte ang isang taong degree holder at may lisensya ng board exam. Kung baga sa chess, isa kang Queen. Kahit gaano kalayo mararating mo. Madali ang pagpasok sa trabaho dahil may maipagmamalaki. Eh pano naman ang mga high-school graduate at undergraduate na college student?
Para ding chess, ngunit isa ka lamang Pawn na paisa-isa ang hakbang at nanghuhula kung makakarating ka sa kabilang base ng kalaban para makatikim ng ginhawa, na ang sasalubong sayo ay malalaking pader. Marami ka pang pagdadaanan at marami ka pang kakaining kanin (Hindi bigas).
********
Tapos ka na sa pamomroblema sa Thesis, assignment, projects, fieldtrip, exam ,quiz at kung ano ano pa. dahil ngayon ay nakatapos ka na at magsisimula ka nang lakbayin ang tunay na mundo kung saan malalaman mo ang hirap ng buhay.
malalaman mo na ang pagkakaiba ng love nung highschool ka pa kumpara ngayong tapos ka na.
malalaman mo na hindi mo na dapat masyadong pag ukulan ng pansin ang kapalpakan ng syota mo dahil lagi ka namang minamahal ng pamilya mo at mga tunay mong kaibigan.
malalaman mo na marami din ang naging katulad mo na nahirapan sa school life at yung ibang sumuko o yung kahit na ayaw sumuko pero wala namang pang tustos sa pag aaral nila,
magi guilty ka nang husto dahil sa mga panahong sinasayang mo sa pagbili ng mamahaling cellphone, pagbili ng branded na damit, paggastos alang alang sa nililigawan para makapanood kayo sa imax sa Mall of Asia, at magi guilty ka dahil malalaman mo na mahirap pala talaga maging magulang kung mag aasawa ka nang maaga at hindi mo tatapusin ang pag aaral mo.
Dahil alam moa ng pagiging estudyante, malamang alam mo rin ang mga posibleng kalokohan na ginagawa ng magiging anak mo, maaring niloloko ka nila na akala mo ay pursigido siyang nag aaral pero maaaring dropped out na pala.
medyo huli na rin para magsisi dahil hindi mo na maibabalik ang panahon kung kailan nag aaral ka na puro kagaguhan ang ginagawa mo sa buhay mo.
hindi ka nag aaral nang mabuti kung may nagpapa aral sayo pero hindi maisip na kung mawala sila hindi mo alam kung magiging ano ka.
aminado rin ako at nag koconfess dito sa libru libruhan ko nang mga kahinaan at mga kabobohan na ipinamalas ko sa buhay ko.
Nanghihinayang din ako sa kabobohang ipinamalas ko nung bata pa ako at nalaman ko na ang lahat pala talaga ng pagdadaanan mo sa buhay ay laging nakaplano at pinaplano sayo ng Diyos.
Pero kahit na huli na ang lahat para magsisisi lagi namang may naka laan na daan para magsikap at tuluyang baguhin ang kabobohang ipinamalas mo nung ikaw ay nag aaral pa.
ngayon ay isa ka nang nilalang na handa sa lahat pero kung hindi pa...
iniisip mo lang yan..... kasi....
KAYA MO TALAGA YAN... TAMAD KA LANG...
No comments:
Post a Comment